Saturday, August 29, 2009

കാലം


അന്ന്,
മറഞ്ഞും തെളിഞ്ഞും വരുന്ന
ഓര്‍മകളുടെ വെളിച്ചത്തില്‍
തന്നെ പ്രാപിച്ചവരുടെ മുഖങ്ങള്‍
വിളിച്ചുപരഞ്ഞതിനു
ഏറ്റുവാങ്ങേണ്ടിവന്ന പരിഹാസങ്ങള്‍
ഇന്ന്‍ ,
ഇരുട്ടില്‍ മുഖംമൂടികളണിഞ്ഞുവന്നു
ഭോഗിച്ചവരുടെ ആയുധങ്ങള്‍
തിരിച്ചറിയാതെപോയ
ഒരു പെണ്ണിന്റെ നിസ്സഹായത...

Monday, August 24, 2009

പ്രണയം

പ്രണയത്തിനു കണ്ണില്ലെന്ന്
പറഞ്ഞ കാമുകന്‍
അവളുടെ രണ്ടു കണ്ണും
ചൂഴ്ന്നു കടന്നു കളഞ്ഞു

ഭാരം

ഉയര്‍ന്നു പറക്കുമ്പോള്‍ കൂടുന്ന
ഭാരം കുറയ്ക്കാനായി ആ പക്ഷി
തന്റെ രണ്ടു ചിറകും മുറിച്ചു കളഞ്ഞു .....

ദിക്കുകള്‍

വടക്കോട്ട്‌ പോകുന്ന ട്രെയിനില്‍
തെക്കോട്ട്‌ നോക്കിയിരുന്ന
അയാളുടെ മനസ്സു കിഴക്കും
ശരീരം പടിഞ്ഞാറുമായിരുന്നു